1. Гадаадын мөнгөний нэгжээр илэрхийлдэг банкны данс, төлбөрийн баримт бичиг, мөнгөн тэмдэгт: валют гуйвуулах (гадаадын мөнгөн тэмдэгт шилжүүлэх), валютын бодлого (гадаад худалдааг хөгжүүлэх, үндэсний валютын гадаад валюттай харьцах ханшийн тогтвортой байдлыг хангахад чиглэсэн арга), валютын үнэ (гадаад худалдааны гэрээний явцад тогтоогдсон ханш), валютын хямрал (гадаад мөнгөний ханшийн уналт) - Эдийн засагчдын үзэж байгаагаар валютын хямралын өөр нэг үндсэн шалтгаан нь... “Үнэн”сонин;

---

2. Тухайн орны бүх мөнгөний цогц дүн: үндэсний валют (эргэлтэд байгаа төлбөрийн чадвар бүхий тухайн улсын мөнгөн тэмдэгт, үнэт цаас, төлбөрийн хэрэгсэл), валютын гүйлгээ (валют худалдах, худалдан авах, хадгалах, зээлдэх, шилжүүлэх, байршуулах, барьцаалах, улсын хилээр оруулах, гаргахтай холбоотой үйл ажллагаа), валютын ханш (нэг улсын мөнгөний нэгжийг өөр улсын мөнгөний нэгжтэй жишин адилтгаж илэрхийлсэн үнэ), хатуу валют (чөлөөтэй хөрвөдөг валют) - Өнгөрсөн оны есдүгээр сараас эхэлсэн валютын ханш бууралтыг эдийн засагчид янз бүрээр тайлбарлаж байна. “Үнэн”сонин;

---

3. Олон улсын арилжаанд оролцох гадаадын мөнгө: валютын зээл (гадаад мөнгөний зээл), валютын зах (банк, бирж, брокерийн компаниас эрэлт нийлүүлэлтийн үндсэн дээр хийж байгаа валютын худалдаа арилжаа) - Хөрөнгө оруулахын тулд комбинатад чөлөөт валют хэрэгтэй. “Үнэн”сонин.