Чадал тэнхээ, тар тамир - Бяраа мэдэж яв, хэрээ мэдэж хий. ААЗ., бяр ихтэй (бяртай), бяр заах (а. Бяраар түрий барих; б. Чадал тэнхээгээр давамгайлах) - Ямар ч эмнэг догшноос айж ухардаггүй, бяр зааж ноцолдож номхруулж унаад явдаг. Ж.Дамдин. Үймээний жил., бяр тэнхэл [хоршоо] (хүч тэнхээ) - Хүн гэдэг чинь бяр тэнхэл байхгүй. Монгол ардын үлгэр., бяр тэнхээ [хоршоо] (хүч чадал, тар тамир) - Өөдгүй эрийг өмднийхөө тэлээнээс чирч гулдчихуйц бяр тэнхээтэй байсан шүү дээ. А.Дашням. Хүрэндэлтийн хүүхэн., бяр хүч [хоршоо] (чадал тэнхээ) - Энэ бол бяр хүчтэй тул... Ж.Боккаччо. Декамерон., бяр чадал [хоршоо] (хүч тамир, тэнхээ) - Тэр муу хүүд тийм их бяр чадал байхгүй. Монгол ардын үлгэр., бяр чинээ [хоршоо] (чадал чинээ) - Амсан өнгөрсөн зовлонгоос амарч бяр чинээ ихт эрүүл биетэй хар арьстан бээр... Ж.Верн. Арван таван наст капитан., эр бяр [хоршоо] (а. Хүч тэнхээ; б. Ааг омог), *бяр амтагдах (а. Бусдад бардах, дээрэлхэх; б. Аливаа ажил хэргийг гүйцэтгэх боломж, эрдэм чадвар байгаагаа мэдэрч, хийх хүсэл зориг ундрах).