Хүүхэд, дүү нарын гэргий - Наадмаас өмнө хүү бэр хоёр нь ирсэн. С.Эрдэнэ. Малын хөлийн тоос., бэр авах (хүүхэд дүү нартаа эхнэр авах), бэр булаах (хүүхэд дүү нартаа эхнэр авч өгөх), бэр буулгах (бэр авах), бэр гаргах (төрсөн гэрээсээ гарч, хадамд очихын өмнө үйлдэх ёс), бэр мөргүүлэх (бэрийг хадам аав ээж, бурхан, галд мөргүүлэх зан үйл), бэр оргуулах (бэрийг оргож босуулах), дархан бэр (гурав ба түүнээс дээш хөвгүүн төрүүлсэн бэр), цэцэн бэр (шулуун шударга, үнэнч, цагаан сэтгэлтэй ухааны нар гийсэн бэр), үр бэр [хоршоо] (хүүгийн эхнэр, өөрийн охин болсон бэр), бэр олон болохоор хоол түүхий болдог [зүйр цэцэн үг] (бие биедээ найдаж харилцан түлхэлцэж ажил бүтэмжгүй болно гэсэн санаа), бэр сонгоё гэвэл өглөө эрт, бэлчээр сонгоё гэвэл үд дунд [зүйр цэцэн үг] (ажилч байдлаар нь бэрээ шинжих гэсэн санаа).
--oOo--