Мал идэшлэх өвс, ус бүхий эдэлбэр газар: бэлчээр голох (идээшлэх газар тохиромжгүйдэх), бэлчээр мөрөөдөх (идэшлэх газраа санагалзах) - Бэлчээрээ мөрөөдсөн малууд багширна. Х.Пэрлээ. Монголчууд эвд дуртай., бэлчээр хамгаалах (мал идээшлэх газрыг ариглах), бэлчээр хөөх (мал идээшлэх газрыг бараадах) - Майхан хөсгөөр л бэлчээр хөөж... Б.Чойндон. Галбын говьд., бэлчээрийн мал аж ахуй (бэлчээр голлон зонхилсон мал аж ахуй), бэлчээрийн нөөц (тодорхой талбайд хуримталсан өвсний хэмжээ), бэлчээрийн сэлгээ (бэлчээрийн чанарыг хадгалах зорилгоор ээлж дараатай ашиглах газар нутаг), хур бэлчээр (а. Ерөөс мал ороогүй нөөц бэлчээр; б. Жилийн жилдээ нөөцтэй байдаг бэлчээр), өвс бэлчээр [хоршоо] (ургамал ногоо бүхий газар нутаг), ус бэлчээр [хоршоо] (а. Нутаг орон; б. Нутаг орны өвс ногооны гарц), *бэлчээр холтой хүн (хол явах, ирээдүйтэй хүн), бэлчээрээ голсон мал намартаа таргалахгүй, биеэ голсон хүн насандаа өөдлөхгүй [зүйр цэцэн үг] (хүн итгэл зоригоо алдвал сайн сайхан амьдрахгүй гэсэн санаа), бэлчээрээ голсон мал турна, хоолоо голсон хүн зүдэрнэ [зүйр цэцэн үг] (байгаа чухал зүйлээ орхиж, хэт шунах аюултай гэсэн санаа), ойрын бэлчээр (гэрээс холгой бэлчээр).
--oOo--