Бэлэн болгож зэхэх: өвс бэлтгэх (өвс хадаж нөөцлөх), хичээлд бэлтгэх (хичээл номоо үзэж давтах), морь хүнс бэлтгэх (морь мал, хоол хүнс бэлэн байлгах) - Манд морь хүнс бэлтгэж байхгүй яасан юм бэ гэж загналаа. Д.Нацагдорж. Зохиолууд., цай хоол бэлтгэх (цай хоол зэхэх) - Цэрмаа шөнө унтсангүй, маргаашийн цай хоолыг бас бэлтгэнэ. Д.Нацагдорж. Зохиолууд., бэлтгэх түшмэл [хуучирсан] (гадаад улсын элчинд нийлүүлэн өгөх юм зүйлийг шийдэх түшмэл), зэхэх бэлтгэх [хоршоо] (төхөөрч зэхэх, бэлэн зэлэн болгох).