1. Шинж, тэмдэг, совин ёр, илбэ: бэлгэ ёр [хоршоо] (шинж тэмдэг, зөн совин) - Долоон зүйлийн бэлгэ ёрыг олонх цөм мэдэх биш үү? В.Инжаннаши. Хөх судар., бэлгэ тэмдэг [хоршоо] (а. Шинж тэмдэг, ёр тэмдэг; б. Дөчин нэгэн оронтой тооны нэр) - Гэнэт биед хүүхэд олсон бэлгэ тэмдэг мэдэгдэн... ААЗ., бэлгэ шинж [хоршоо] (тэмдэг, чанар байдал), зөн бэлгэ [хоршоо] (оюун ухаанаас гадуур сэрэгдэн төсөөлөгдөх зүйл), тэмдэг бэлгэ [хоршоо] (шинж байдал);

---

2. Өлзий ерөөл: амны бэлгэ (сайн сайхан зүйлийг хүсэж ярьсан өлзий ерөөл) - Монгол хүн амны бэлгээр гэж энэ дээ. Ч.Лодойдамба. Тунгалаг Тамир., бэлгэ муутай (муу ёрын), бэлгэ сайтай (сайны ерөөлтэй), бэлгэ зохиох (ерөөл зохиох), бэлгэ зохирох (бэлгэ зохилдох), бэлгэ шингэх (бэлгэ дэмбэрэл зохицох), бэлгэ барих (бэлгэ шинжиж төлөг өгөх), бэлгэ зохилдох (сайн бэлгэ зохих) - Олны санаа үл дагах бөгөөд бас ч бэлгэ зохилдсонгүй тул чойр хурал байгуулахыг байя. Ардын заргын бичиг., бэлгэ дэмбэрэл [хоршоо] (учрал ерөөл), өлзий бэлгэ [хоршоо] (сайн хувь ерөөл), монгол хүн бэлгээрээ [зүйр цэцэн үг] (монголчууд бэлгэ дэмбэрлийг эрхэмлэдэг гэсэн санаа).