1. Хүн, амьтны хөл юманд торж биеийн тэнцвэр алдагдан унан алдах: бүдрэн унах (тээглэн унах), торж бүдрэх (хөл юманд торж тээглэх), хөл бүдрэх (хөл юманд тээглэх) - Сэтгэлээр сайхан яваа хүний хөл нь бүдрэхэд жигүүр нь түшнэ. П.Лувсанцэрэн. Хөдөөгийн дуун., бөхийсөн дээр нь түлхэж, бүдэрсэн дээр нь нудрах [зүйр цэцэн үг] (алдаа дутагдал гаргасан хүнийг сургаж хүмүүжүүлэхийн оронд муу муухайг нь үзэх гэж улайх);

---

2. [шилжсэн] Осолдон эндэх, буруудах: амьдралд бүдрэх (амьдралд алдах) - Бүдэрсэн дээр нь дарж, бөөлжсөн дээр нь нидрэх. Ж.Дашдорж. Монгол цэцэн үгийн далай., *нэг бүдэрвэл долоо бүдрэх (байн байн бүдрэх, нэг буруудвал нэг хэсэг буруудна гэсэн санаа) - Дордсон хүн долоо бүдрэх. Л.Түдэв. Нүүдэл.