1. [хуучирсан] Зарлиг мэдээг биечлэн хүргэх шуурхай элч, хиа: буухиа ирэх (шуурхай элч ирэх), буухиа өртөө (зарлигаар байгуулсан шуурхай өртөө), буухиа элч (шуурхай элч) - Энэ тухай өнөөдөр үүрээр буухиа элч ирж гэж би дууллаа. Л.Түдэв. Улаан долгион., буухиа ч гэсэн бууж морддог, буур ч гэсэн шавж зогсдог [зүйр цэцэн үг] (хэчнээн яаруу давчуу явсан ч түр амсхийх гэсэн санаа);

---

2. Чухал яаралтай бичиг: буухиа дамжуулах (яаралтай бичиг дамжуулах), буухиа бичиг (яаралтай бичиг) - Буяндэлгэр буухиа бичгээ Шагдар түшмэлд өгөв. С.Дашдэндэв. Улаан наран., буухиа шуудан (яаралтай шуудан);

---

3. [шилжсэн] Хол газар өртөөлөн уралдах гүйлтийн тэмцээн: буухиа уралдаан (өртөөлөн уралдах тэмцээн);

---

4. [шилжсэн] Түргэн шуурхай, хүлээлгэлгүй: буухиа автобус (шуурхай автобус), буухиа галт тэрэг (түргэн галт тэрэг), буухиа улаа (өртөөлөн улаа нэхэх) - Тэр хүн өртөө дамжин буухиа улаагаар тасралтгүй давхисаар байв. Л.Түдэв. Улаан долгион.