1. Доошлох, нам болох: халуун буурах (халуун намдах) - Ойрдоо халуун нь буурах янзтай гэж өвгөн хэлээд аягатай цайгаа уув. П.Хорлоо. Багш;

---

2. Барааны үнэ хямдрах: үнэ буурах (үнэ доошлох), ханш буурах (ханш унах);

---

3. Доройтох, муудах, буурай болох: ажил буурах (ажил доройтох), амьдрал буурах (амьдрал доройтох), доройтон буурах (доройтон доошлох, уруудах) - Өмнө этгээдийн хуучин их Сүнгийн сүүлийн доройтон буурахын цаг болжээ. В.Инжаннаши. Хөх судар., сүр сүлд нь буурах (сүр хүч нь доройтох) - Манж ноёдын сүр сүлд нь бууран их л номхон дүртэй болсон. Б.Ринчен. Үүрийн туяа., - Бодлого ухаан сайнаар олны ноён болоод бусдын буруу явсны уршгаар буурах ч бий. Субашид., мандах буурах [хоршоо] (хөгжиж дэгжих болон доройтох) - Мэргэн танаас жам ёсыг сонсохыг хүснэ, мандах буурах зарчмыг таньж мэдээсэй гэнэ. Д.Нацагдорж. Зохиолууд., буурах цагт шулам, болох цагт бурхан [зүйр цэцэн үг] (зусар бялдууч);

---

4. Байр суурь доошлох: зэрэг буурах (зэрэг дэв нь доошлох), даргаасаа буурах (даргын ажлаасаа бууж доод тушаалд шилжих);

---

5. Юмны тоо хэмжээ багасах: малын тоо толгой буурах (малын тоо толгой цөөрөх);

---

6. Өнгө зүс тод биш болох: өнгө буурах (а. Зүс, будаг гандах; б. Царай зүс муудах).