1. Дорой, ядуу: буурай амьдрал (ядуу дорой амьдрал), буурай айл (ядуу айл), буурай хөгшин (дорой хөгшин), буурайг тэтгэх (ядуу доройг дэмжин тэтгэх) - Буурайг тэтгэн дарагдсаныг тэнхрүүлэх нь бачим зант миний багаас явсан энгийн явдал бөлгөө. В.Инжаннаши. Хөх судар., буурай ядуу [хоршоо] (дорой ядуу) - Энэ дэлхий дээр баян хүн ч байдаг, буурай ядуу ч байдаг. Халх ардын тууль., дорой буурай [хоршоо] (мөхөс хомс, ядуу тарчиг), саарай буурай [хоршоо] (а. Дорой яданги; б. Цөөн бага), ядуу буурай [хоршоо] (амьдрал ахуй дорой, хүч чадал сул), буурай улсын жанжин суухаар мандсан төрийн боол бол [зүйр цэцэн үг] (ирээдүйтэй, ариун шударга үйлийг дэмжих нь зүйтэй гэсэн санаа);