1. Юмыг байрнаас нь доошлуулах, доош тавих: ачаа буулгах (ачаа дээрээс доош зөөх, газарт тавих), шатаар буулгах (шат ашиглан ачааг доошлуулах), *мөндөр буулгах (ямар нэгэн зүйлээр зай завсаргүй шидэх, чулуудах);

---

2. Албан тушаалаас огцруулах: ажлаас буулгах (а. Ажлаас халах; б. Тэтгэвэрт нь гаргах);

---

3. Цалин хөлс зэргийг өгөх: цалин буулгах (ажлын хөлсийг тавин олгох), шагнал буулгах (шагнах);

---

4. Дээд газраас зарлиг тушаал гаргах: зарлиг буулгах (зарлиг болгох нь), лүндэн буулгах (лүндэн айлтгах);

---

5. Хямдруулах: үнэ буулгах (үнийг хямд болгох);

---

6. Ямар нэгэн газарт түр буюу удаан хугацаагаар оршин суулгах: нүүлгэж буулгах (буйр сэлгэх), буудалд буулгах (буудалд байрлуулах), бэр буулгах (хүүдээ эхнэр авч өгөх, гэрлүүлэх), цэрэг буулгах (цэргээ амруулах) - Зуны халуун болов, цэргээ амсхийж буулга. Монголын нууц товчоо., буулгах цанх [хуучирсан] (хааны хаалганы хоёр этгээдэд босгосон морьтой хүнийг мориноос буулгах тэмдэгт чулуу).