1. Явуулын хүний буух, амрах, хоноглох, байрлах газар: аянчны буудал (аяны хүний буух газар), дэн буудал (зам зуур хоноглох газар), зочид буудал (зочин буух, хоноглох газар), отог буудал [хоршоо] (түр хоноглох байр);

---

2. Өртөө зогсоол: галт тэрэгний буудал (галт тэрэг ирэх, явах өртөө), нисэх буудал (онгоц хөөрөх буух болон зорчигчдод үйлчлэх иж бүрэн үйлчилгээний газар), өртөө буудал [хоршоо] (замын дагуу байгуулсан зогсоол газар) - Одоо миний өмнө урт зам өч төчнөөн өртөө буудал, нийслэл хот бий. П.Лувсанцэрэн. Хөдөөгийн дуун., буудал нүүдэл [хоршоо] (бууж суух, нүүдэл хийх нь) - Ар газрын уртад буудал нүүдэл тул тогтсон орон үгүй... В.Инжаннаши. Хөх судар;

---

3. Бууц, буурь - Монгол хүн буудал дээрээ гурван жилийн хоол хаяад нүүдэг. Ж.Пүрэв. Гурван зангилаа;

---

4. Хуаран, хүрээ - Олон замын цэрэг нийлж их буудал буув. В.Инжаннаши. Хөх судар., буудал хүрээ ~ хүрээ буудал [хоршоо] (олон хүн хуарагнан суух газар).