Бараа материал, түүхий эд, тоног төхөөрөмж, эд хөрөнгө хадгалахад зориулсан тусгай байр, юм агуулах, хадгалах зориулалтын газар - Суурингийн байшингууд дунд багийн захиргааны мэдлийн эд хогшил хадгалсан нэг том агуулах байдаг билээ. Б.Нямаа. Бид гурав., агуулахад хадгалах (юм агуулах тусгай байранд хадгалах), агуулахын нярав (агуулахад буй эд хөрөнгийг хариуцагч хүн), барааны агуулах (бараа хадгалах байр), түүхий эдийн агуулах (түүхий эд хадгалах байр), агуулах чөлөөлөх худалдаа (агуулахад байгаа бараа бүтээгдэхүүнийг хурдан борлуулах зорилгоор зах зээлийн үнээс хямд худалдах үйл ажиллагаа), агуулахын хачиг [амьтан] (бие тунгалаг цайвар зөөлөн сарьстай, хөрс ялзмагт амьдарч, намар агуулахад орж, гурил будаа иддэг хачгийн дэд овгийн шавж), агуулахын хивэн [амьтан] (хүрэнцэр нь ургамлын үрээр хооллож, өнгөн хэсгийг нь гэмтээдэг жинхэнэ хивэнгийн овгийн нэг зүйл шавж).