Умард Африк, Баруун Азийн элсэрхэг хуурай газрын лалын шашинт үндэстэн; уг үндэстэнд хамаатай, тэднээс гаралтай; араб бичиг (баруунаас зүүн тийш хэвтээ бичдэг, 28 гийгүүлэгчит цагаан толгой бүхий бичиг), араб тоо (нийтээр хэрэглэж заншсан өнөөгийн тооны тэмдэг), араб цавуу (араб цавууны модны давирхай. Эм эмнэлэг ба аж үйлдвэрт чухал хэрэгцээтэй), араб цавууны мод (мөнх ногоон тураг мод. Өдлөг нийлмэл навчтай, цагаан цэцэг дэлгэрнэ. Иш дээр нь гохт өргөс бий. Уул нь африк тивийн хойд хэсэг болон арабын хойгт ургадаг болохоор ишийн давирхайг нь араб цавуу гэдэг. Үүнээр наалдуулагч хийх буюу эм хийдэг)