1. Бөмбөрцөг, бөмбөгөр, бөмбөг хэлбэртэй: бөөрөнхий мод (а. Бөмбөгөр мод; б. Хэрчим мод), бөөрөнхий сонгино (булцгар, бөөрөнхий хэлбэртэй сонгино), бөөрөнхий цаас (а. Бөмбийлсөн цаас; б. Хуй цаас) - Бөх зүрхтэй зөөгчид нь бөөрөнхий цаас зөөж байв. Л.Бадарч. Хадгалалт., бөв бөөрөнхий (маш бөмбөгөр), монцгор бөөрөнхий (үзүүр нь мохоо бүдүүн) - Сумны мөс монцгор бөөрөнхий тул хол явмуй. Хөх монголын хөх туг., бөөрөнхий товшуур [хөгжим] (зууван дугуй нүүртэй, бөмбөгөр цар бүхий хөгжмийн зэмсэг), *бөөрөнхий хэлтэй (бага зэрэг тултираа);

---

2. [шилжсэн] Шийдвэргүй, гуйвамтгай, тогтворгүй: бөөрөнхий үг (тодорхой шийд, зорилгогүй үг; учир нь олдохгүй үг), бөөрөнхий шийдвэр (тодорхой утга санаагүй шийдвэр), бөөрөнхий үзэл (аль ч үзлийг үл баримталсан тогтворгүй үзэл), бөөрөнхий үзэлтэн (дундыг баримтлагч).