1. Олон юмны нэг дор хуран цугларсан байдал - Адууг бэлчээрт гаргаад салхины уруу дарж бөөн байдлаар бэлчээрийн чигийг тааруулан тогтоох хэрэгтэй. Ж.Самбуу. Мал маллагааны арга туршлага., бөөн хонь (хурсан олон хонь) бөөн хүн (нэг дор цугласан олон хүн), бөөндөө байх (нэг дороо хамтдаа байх, цугтаа байх), бөөн бөөнөөр [хоршоо] (их ихээр, хэсэг хэсгээр) - Урьдын төр шажин хоёрт хөрөнгө зоориосоо бөөн бөөнөөр өргөж их нэр олсон хүн. С.Удвал. Их хувь заяа., бөөн цөөн [хоршоо] (хэсэг бусаг);

---

2. Бөөнд нь, бөөнөөр нь, жижиглэхгүй, таслахгүй: бөөний худалдаа (бөөнөөр зарж борлуулах худалдаа);

---

3. [шилжсэн] Баахан, их, олон: бөөн гай (баахан гай), бөөн баяр (их баяр) - Манайхан чинь бөөн баяр болцгоолоо. С.Дашдооров. Говийн өндөр., бөөн шуугиан (олон хүн, юмсын шуугиан) - Хэрэгт дуртай хүмүүс цуглаж бөөн шуугиан гарав. С.Лочин. Сэтгэлийн өнгө;

---

4. [шилжсэн] Хамт, цуг; нэг дороо - Нөхөд нь бөөнөөр нэг газар очно гэж уриалаад байдаг. Ч.Чимид. Хавар намар.