1. Хаах, таглах, битүүлэх, түгжих, чигжих: зам бөглөх (зам хаах) - Өрсөлдөн ирэх дайсны ирэх замыг бөглөж хаалт тавив. Зуун билиг., лонх бөглөх (лонхны амсрыг бөглөөгөөр битүүлэх), нүх бөглөх (нүх таглах) - Хадны цаад талын нүхийг чулуугаар бөглөжээ. Монгол ардын баатарлаг тууль., чих бөглөх (чихээ битүүлэх), бөглөх таглах [хоршоо] (таглах битүүлэх) - Энэ газар уул хад элбэг тул лав бөглөх таглах гэм буй. В.Инжаннаши. Хөх судар;

---

2. [шилжсэн] Алба хашиж ам хаах, орон тоог гүйцээх, оронцоглох, зэрэмдэглэх: алба бөглөх (алба хашиж ам хаах), ам бөглөх (ор нэр бөглөх, оромцоглох, ор нэрийн төдий гүйцэтгэх), орон тоо бөглөх (алба хашсан болж орон тоо эзлэх);

---

3. [шилжсэн] Өр шир төлж дуусах, дарах: өр бөглөх (а. Хэн нэгнээс зээлсэн зүйлийнхээ оронд өөр юм өгч төлөх; б. Бусдад өгөх ёстой зүйлээ өгч дуусах, өр төлөх).