1. Юмны өнцөг, ирмэг дээгүүр үмхүүлэн хадах төмөрлөг зүйл: бөгжтэй авдар (нарийн төмрөөр эмжин чимэглэсэн авдар), төмөр бөгж (юмны өнцөг ирмэг үмхүүлэн хадсан төмөр), хутганы бөгж (хутганы ишинд үмхүүлэн хадсан төмөр);

---

2. Хазаар, ногт, ганзага зэрэгт мөнгө гууль зэргээр үмхүүлэн хийсэн гархи;

---

3. Бэлзэг; хуруунд зүүх гархи хэлбэртэй чимэг: бөгж зүүх (хуруундаа бэлзэг зүүх), алтан бөгж (алтаар хийсэн бэлзэг) - Түүний баруун гарын дунд хуруун дахь том алтан бөгж нарны гэрэлд гялалзав. Ч.Лодойдамба. Тунгалаг Тамир., мөнгөн бөгж (мөнгөөр хийсэн бэлзэг), хуримын бөгж (гэрлэлтийн бөгж), цулгуй бөгж (шигтгээгүй бэлзэг), хаш чулуун бөгж (хаш чулуун бэлзэг) - Түшмэл авгай мөн хаш чулуун бөгжөө амыг нь хуньж бүсэндээ хавчуулсан хоргой уутнаас гаргаж үзүүлэв. Л.Түдэв. Алтан гадас чигийг заана.