1. Хэвтээ, суугаа хүн, амьтан буюу юм дээш эгц болох: босон гүйх (хэвтэж байснаа өндийн босож гүйх), босон харайх (сууж байснаа босож харайх), босон явах (сууж байснаа босож явах) - Магсаржав дуу шуугүй босож явлаа. С.Удвал. Их хувь заяа., *үс босох (ихэд айх), босох тамиргүй, буцлах шөлгүй [зүйр цэцэн үг] (ихэд ядарч доройтсон, үхэх дөхсөн);

---

2. Бослого гаргах: бүлэглэн босох (бүлэглэн бослого гаргах) - Өчигдөр та бүхэн уурын мунхгаар бүлэглэн босжээ. Л.Түдэв. Алтан гадас чигийг заана., оргох босох [хоршоо] (нуугдаж даажин зугтах);

---

3. Бүтээн байгуулах, цогцлох - Байшин их түргэн босож байна. П.Хорлоо. Багш;

---

4. Үүсэх, дэгдэх: салхи босох (салхи дэгдэх), шороо босох (шороо дэгдэх);

---

5. Оргох, зайлах: босож дутаах (оргож зайлах);

---

6. [шилжсэн] Эдгэрэх - Би ч яахав энэ орос эмчийн ачаар бослоо. Ж.Пүрэв. Гурван зангилаа;

---

7. Нойрноос сэрэх: өглөө босох (өглөө нойрноос сэрэн өндийх).