Чихэр хийж, тос багсарч амтлан болгосон гурилан идээ: боов хийх (боов чанах), гэрийн боов (гэртээ хийсэн боов), нарийн боов (чихэр, тос болон бусад зүйлийг хольж хийсэн амттай гурилан идээ), самнаа боов (тосонд чанаж болгодог, зузаан дөрвөлжин хэлбэртэй нэгэн зүйл гурилан боов), ул боов (ул мэт хавтгай хэлбэртэй, хэвийн боов), хавсай боов (шар тос, давс хужир холин усаар зуурч тосонд чанасан уртхан дөрвөлжиндүү хэлбэртэй боов), хайрсан боов (хайрч болгосон боов), хэвийн боов (цагаан сар болон аливаа баяр ёслолд зориулж тусгай хэвд хэвлэж хийсэн боов; ул боов), боов боорцог [хоршоо] (гурилан идээ) - Хөөрхөн алиа хүүхэн цагаан гараараа боов боорцог, чихэр жимс атгачин... Н.В.Гоголь. Тарас Бульба., идээ боов [хоршоо] (тавгийн боов), тавгийн боов (зочид дайлах боов), чихэр боов ~ боов чихэр [хоршоо] (амт сайтай хүнсний бүтээгдэхүүн; амттан) - Гүнрэгийн хэргээ, зоогийн самнаа боов болон зүсмэл бурам зэрэг хамгийн сайхан боов чихрийг голдуу хэрэглэж цайлна. Ж.Дамдин. Үймээний жил., *алган боов (таван салаа боов), *таван салаа боов өгөх (дүрсгүй хүүхдийн хонгон дээр алгадах).