1. Тунгалаг талст чулуу, өнгөгүй тунгалаг, гэрлийг ихээр хугалах чадвартай, хувийн жин нь 2,65 грамм, хатуугийн зэрэг долоо - Тэр модны хооронд орой дээрээ болортой алтан багана бий. Галидас. Үүлэн зардас., болор эрдэнэ (талст эрдэнэ), усан болор (тунгалаг хөхөмдөг туяатай талс бүхий чулуу; сүйжин), утаат болор (утаа тунасан мэт өнгөтэй талст чулуу);

---

2. Болроор хийсэн юм: болор жүнз (болор хундага), болор шил (талст шил) - Том усан болор шил зүүж, бичгийн хүний малгай өмссөн тэр өвгөн багш хичээл зааж суув. Б.Ринчен. Гүнж;

---

3. [шилжсэн] Тунгалаг, ариун - Монголын умард хязгаарт болор шилэн мэт тунгалаг цэнгэг уст Хөвсгөл нуур бий. Х.Нямбуу. Хамгийн эрхэм ёсон., болор ус (тунгалаг ус), нүдний болор (нүдний дотор байх тунгалаг биет).