Автотээврийн хэрэгсэл зорчиход зориулан барьсан хатуу, хайрган, хучилттай зам, гудамж, засаж сайжруулсан болон замын хөдөлгөөнд нээлттэй зурвас газар: автозамын байгууламж (гүүрэн болон нүхэн гарц, хонгил, ус зайлуулах шуудуу, замын хөдөлгөөний аюулгүй байдлыг хангах зориулалттай замын зурваст байгаа бусад байгууламж), Автозамын зурвас газар (автозам, автозамын байгууламж байрлаж байгаа болон замын хөдөлгөөний аюулгүй байдлыг хангах, технологийн үйл ажиллагаа явуулах зориулалт бүхий газар), автозамын сан (автозамын сүлжээг хөгжүүлэх, үйлдвэрлэлийн баазыг бэхжүүлэх арга хэмжээг хэрэгжүүлэх, автозамын тухай хууль тогтоомжийн биелэлтэд мэргэжлийн хяналт тавихад шаардагдах зардлыг санхүүжүүлэх, олон улсын болон улсын чанартай автозам, замын байгууламжийг барих, засварлах, арчлах, хамгаалах тохижуулах, замын үйлдвэрлэлийн баазыг хөгжүүлэх, мэргэжлийн хяналт тавихтай холбогдон гарах арга хэмжээг санхүүжүүлэх зорилгоор байгуулсан, авто бензин, дизелийн түлшний албан татвар, авто тээврийн болон өөрөө явагч хэрэгслийн албан татвар, хууль тогтоомжид заасны дагуу автозам, замын байгууламжаар зорчиж буй тээврийн хэрэгслээс авах төлбөр, хууль зөрчсөн этгээдэд ногдуулсан торгууль, зээл, тусламж, хандивын орлого, улсын төсвөөс олгосон хөрөнгө, тухайн улсын нутаг дэвсгэрээр дамжин өнгөрөх олон улсын авто тээврийн хэрэгслээс авах хураамж зэргээс санхүүждэг сан), автозамын сүлжээ (олон улсын, улсын, орон нутгийн чанартай автозамуудын тогтолцоо), олон улсын чанартай автозам (олон улсын гэрээгээр улс хооронд авто тээврийн хэрэгслээр зорчихыг зөвшөөрсөн автозам), орон нутгийн чанартай автозам (нийслэл, аймгийн нутаг дэвсгэр дэх сум, дүүрэг, хот, суурин газрыг хооронд нь болон хилийн боомттой холбосон автозам).