1. Бодол: бодлого болох (бодлогошрох, юм бодох) - Далантай өвгөнийг эл ухуулах бичгийн үгийг уншин дуусгаж бартал, галын зүүнтээ сууж байсан эмгэн бодлого болон шүүрс алджээ. Б.Ринчен. Сандо амбан., алсын бодлого (холын бодлого, хэтийн бодлого) бодлого ухаан [хоршоо] (бодол ухаан, арга) - Бодлого ухаанд маш сайн шуудваас богд хүмүүний үйл явдалд хүрмүй. В.Инжаннаши. Улаан үүлний нулимс., бодлого эрдэм [хоршоо] (эрдэм мэдлэг, ухаан) - Богд гэсэр хааны амраг ах бөгөөд бодлого эрдэм бүрджээ. Замлин Сэнчиний намтар оршив;

---

2. Ухаарч бодох даалгавар, дадлага: бодлого бодох (тоо бодох), тоо бодлого [хоршоо] (тооны энгийн чанар үйлдлийг судлах тооны ухааны нэг салбар) - Бичиг үсэг, тоо бодлого, мал эмнэлэг, өвс тэжээл үзэхгүй юм алга. С.Лочин нар. Галтай залуу нас;

---

3. Зорилго чиглэл, арга хэрэгсэл, үзэл баримтлал бүхий цогц ажиллагаа - Бодлогын мэргэнээр баяжна, сэтгэлийн сэцнээр таргална. ААЗ., нам төрийн бодлого (улс орныг хөгжүүлэх, ардчиллыг бэхжүүлэх талаар нам болон төрийн байгууллагаас баримталсан үзэл бодлын цогц), гадаад бодлого (гадаад улс оронтой хэрхэн харьцах тухай нарийн боловсруулсан арга ажиллагаа), хатуу бодлого (тууштай баримтлахаар нэгэнт шийдвэрлэсэн зүйл), бодлого алдагдах (бодлогын зарчмаа бариагүйгээс алдаа гажуудал гарах), бод алдах гэмгүй, бодлого алдах хэцүү [зүйр цэцэн үг] (аливаа ажил хэргийг сайтар бодож тунгааж үйлдэхийг сургасан хэллэг).