1. Аливаа хүн амьтан, юмны чанар байдал, овор дүр өнгө тэмдэг зэргийг лавлан асуухад хэрэглэх асуух төлөөний үг: ямар байдалтай юм бэ? (ямаршуу байдалтай юм бэ?), ямар өнгөтэй вэ? (ямаршуу өнгөтэй юм бэ?), ямар хүн бэ? (хүн чанараар хэр зэргийн хүн бэ?);
2. Аливаа нэгэн юм, ямарваа зүйл -
Ямар ч юмны лавтай нь сайн, ялтай юм ултай нь сайн. Монгол зүйр цэцэн үг., ямар ч (юу ч, яасан ч),
ямар ч бараа харагдахгүй байна (юу ч харагдахгүй байна),
ямар ч тус болохгүй (юу ч тус болохгүй),
ямар ч байсан би хөдөө явна (яасан ч байсан би хөдөө явна), *
ямар нүүрээрээ (зохисгүй, зовмоор зүйл хийчхээд уулзахад хэцүү гэсэн санаа) -
Ямар нүүрээрээ манайд шагайх нь вэ? Ч.Лодойдамба. Нэг ангийнхан;
3. Сэтгэл хөдлөхөд хэрэглэх үг; яасан:
ямар сайхан өглөө вэ? (яасан сайхан өглөө вэ?),
ямар сайхан юм бэ? (яасан сайхан юм бэ?),
ямар хачин юм бэ? (яасан хачин юм бэ?).