1. Хольцолдсон, нийлсэн юмыг ангилах, тусгаарлах: ай айгаар нь ялгах (төрөл ангиар нь ангилах, ялгаварлах), их багаар ялгах (их багаар ангилах, салгах), хураг ишиг ялгах (хураг ишгийг бусад малаас тусгаарлан салгах) - Хургыг их бага хөрвөөр нь ялгаж саравчинд оруулаад өвс хужир базаасан нь тун тохьтой харагдана. С.Удвал. Та бид уулзана., ялгах салгах [хоршоо] (а. Хольцолдож нийлсэн зүйлсийг ангилж тусгаарлах; б. [шилжсэн] Аливаа зүйл, хэрэг явдлын учир начрыг ихэд тунгаан үзэх) - Нэгэн улсыг эзлэгч хаан хэмээгч харцсын хазгай тэгшийг ялган салгаж тэгшлэн засахын тул сая хаан хэмээв. В.Инжаннаши. Хөх судар;

---

2. Юмыг сонгож шилэх, шигших: сайн мууг нь ялгах (сайн муугаар салган сонгох), үр тариаг ялгах (үр тариаг шигших, хэвэгнээс нь салгаж цэвэрлэх);

---

3. Юмыг сайтар мэдэж тодорхойлох: яс чанарыг ялгах (аливаа зүйлийн яс чанарыг салган таних) - Уран зохиолчийн бүтээлийн өнгө дүрс, яс чанарыг сайтар ялгаж таних нь уран сайхны шүүмжлэгчийн авьяас бөлгөө. С.Буяннэмэх. Түүвэр зохиол., хар цагааныг ялгах (зөв буруу, үнэн мөнийг ялгах) - Өөр бусад хоёрыг, алаг санаа ялгадаг, энэ хойд хоёр нь үйлийн үрээс бүтдэг. Д.Равжаа. Зохиолын эмхэтгэл;

---

4. [шилжсэн] Гадуурхах, шоовдорлох, ад шоо үзэх: ад үзэж ялгах (ад үзэж гадуурхах).