1. Оюуны болон биеийн хүчний ажил биеийн тар тэнхээнээс ахдаж бие сульдах, зүдрэх, алжаах - Сүхбаатар бол угаас айх эмээх, цуцах ядрах гэгчийг ер үл мэддэг хүн байв. Д.Гонгор нар. Сүхбаатарын тухай дурдатгалууд., ажилдаа ядрах (амралт багатай ажилласнаас бие сульдах), алжааж ядрах (алжааж зүдрэх), ядрах зутрах [хоршоо] (хүнд бэрхийг туулж, бие махбод сульдах, тав тух алдах), ядарч зүдэх [хоршоо] (зүдрэх зовох);

---

2. Өтөлж, хүч тамир харих, буурах: хөгширч ядрах (хөгширч доройтох), ядрах доройтох [хоршоо] (өтөлж доройтох), ядрах зутрах [хоршоо] (доройтож зутрах), ядрах зүдрэх [хоршоо] (алжааж зүдрэх), ядрах цуцах [хоршоо] (ажил хөдөлмөрийн хүндээс болж хүч тамир барагдах);

---

3. [шилжсэн] Эд хөрөнгө, аж амьдралаар хоосрох доройтох, ядуурах - Ядрах цагт нөхрийн чанар, буурах цагт янагийн тар танигдана. Монгол зүйр цэцэн үг., цангаж ядрах (ус ундгүйгээс ангаж бие сульдах).