1. Явуулах үйлийн нэр;
2. [шилжсэн] Өөрийн үзэл бодол, ашиг сонирхлыг гүйцэлдүүлэх хэргийг бусдаар хийлгэх, тэрхүү хэрэгт бусдыг түлхэн оруулах явдал, хууран мэхлэх ажиллагаа:
явуулга хийх (а. Залилах, мэхлэх; б. Өөрийн санаа бодлогыг бусдаар дамжуулан хийлгэх) -
Гитлерийн түрэмгий бодлогыг хэрэгжүүлэхийн тулд эрэмбэ дараатай явуулгыг хэлбэрэлтгүй хийж байв. “Цог” сэтгүүл., улс төрийн явуулга (улс төрийн үзэл бодол явуулах),
хорт явуулга (хорт үйл ажиллагаа өрнүүлэх),
ажил явуулга [хоршоо] (а. Өөртөө ашигтайгаар бусдыг ятгах үйл хийлгэх нь; б. Ажил хөдөлмөр),
арга явуулга [хоршоо] (өөрийн үзэл бодол, ашиг сонирхлын үүднээс, бусдыг ятгах заль мэх, үйл ажиллагаа),
ов явуулга [хоршоо] (бусдыг хууран мэхлэх ажиллагаа),
хэрэг явуулга [хоршоо] (өөрийн үзэл бодол, ашиг сонирхлын үүднээс бусдыг түлхэн оруулах үйл ажиллагаа).