1. Үлэмж их, олон, баян - Монгол өвс, уулын бэл хажуу нам доор газраар элбэг тохиолдоно. Ж.Самбуу. Мал маллагааны арга туршлага., элбэг амьдрал (баян чинээлэг байдал), элбэг дэлбэг [хоршоо] (а. Арвин, баялаг; б. Хангалуун, чинээлэг) - Элбэг дэлбэг өгөөмөр сайхан байв. Б.Бааст. Хяруу унасан цагаар., элбэг тариа тарьсан хүн өвөлдөө жаргалтай, эрдэм сурсан хүн эцэстээ жаргалтай [зүйр цэцэн үг] (хичээнгүй зүтгэлээр үйлдсэн юм хүнд бэрх цагт үр шимээ өгдөг гэсэн санаа);

---

2. Амьдралд хүрэлцээтэй; хангамжтай;

---

3. Дээл хувцасны уужуу, их байдал: элбэг дээл (томдсон, уужуу дээл); элбэг хэлхгэр [хоршоо] (томдож ихэдсэн байдал) - Эр нөхрийг нь элбэг хэлхгэр харагдуулна. М.Гаадамба. Элбэг дээл.