1. Савтай шингэн зүйлийн гадагш нэвчин гарах, гоожих: аарцны шар ус шүүрэх (аарцны шар ус савнаас гадагш нэвчин гарах), ус шүүрэх (ус савнаас гадагш нэвчин гарах), шүүрэх шиврэх [хоршоо] (шингэн зүйл ганц хоёр дуслаар удаан гоожих);

---

2. Амьтан, ургамлын биеэс ямар нэгэн шингэн зүйл ялгаран гарах: цус шүүрэх (цус ялгаран гарах), жимсний шүүс шүүрэх (жимсний шүүс ялгаран гарах);

---

3. Газрын дороос ус зэрэг шингэн юмны дааварлах, нэвчих: ус шүүрэх (газрын гүнээс ус дааварлан нэвчих) - Удаан бэхэлгээний бетонон хананаас хөлс дааварлахуйн адилаар ус шүүрч, шагай өнгөрсөн шалбааг үе үе хөл дор дайралдана. С.Лочин. Сэтгэлийн өнгө.