1. Ямар нэг үзэгдэл, юмсын мөн чанар, ер бишийн хүчин зүйлийг амьдралын явцад ухаарах, гэгээрэх: амьдралдаа шүтэх (амьдралынхаа мөн чанар, учир шалтгааныг ойлгон ухаарах), эрдэм номд шүтэх (эрдэм номын мөн чанарыг ухааран дээдлэх);

---

2. Гүнээ итгэх, сүсэглэн бишрэх: бурханд шүтэх (бурханд гүнээ сүсэглэн бишрэх), ламыг шүтэх (ламд итгэх, сүсэглэх) - Шашин төрийг баригчийн өлмий лянхуа батдаад, багш шавь бүгдээрээ лам бурхныг шүтэж яв. Д.Равжаа. Зохиолын эмхэтгэл., шашин шүтэх (шашны үзэл номлолд гүнээ итгэх), шүтэн бишрэгч (а. Ихэд хүндлэн бишрэгч; б. Дуучин, жүжигчин, улс төрийн зүтгэлтэн зэрэг нэр хүндтэй олны танил хүмүүсийг хүндэтгэн дэмжиж, даган дуурайх хүн - Шүтэн бишрэгчдэдээ, харанхуй концертоо тоглосон “хурд рок” хамтлаг, уран бүтээлийн цомгоо хэвлүүлэхээр зэхэж байна. “Ардын эрх” сонин), нэг хүнийг тахин шүтэх (нийт олны амжилт ололтыг, нэг хүнийх болгон магтан дөвийлгөх), шүтэн бишрэх (гүнээ хүндэтгэн итгэмжлэх), шүтэх бишрэх [хоршоо] (гүнээ итгэн сүслэх), шүтэх итгэх [хоршоо] (гүнээ итгэх), тахих шүтэх [хоршоо] (ихэд сүсэглэх, өргөн дээдлэх);

---

3. Түших, түшиглэх: шүтэн барилдахуй (сав шим ертөнц дэх юмс үзэгдэл, амьдралын учир холбогдол, тэдгээрийн бие биетэйгээ салшгүй харилцан нөхцөлдсөн холбоо, шалтгаан нөхцөл), шүтэн барилдлага [гүн ухаан] (юмны шалтгаан, шалтгаант үр дагавар, шалтгаант холбоо).