1. Хөндий юман доогуур орох гарах - Тэрхүү хашир анчдын хамт өндөр ууланд мацаж, өтгөн ширэнгэд шурган явж их хөвчийн түмэн бартааг туулсаар явав. “Утга зохиол урлаг” сонин., модон дундуур шургах (шигүү модон дундуур явах) - Гэтэл газарт нэг ч гахай унасангүй бүгд л зүг зүгтээ цацлын арвай шиг давхилдан модон дунд шурган арилав. Ж.Дамдин. Миний монгол., орон доогуур шургах (орон доогуур орох), ширээн доогуур шургах (ширээн доогуур орох), шургаж орох (юман доогуур бөхийж орох) - Навтас болсон үүдээр нь шургаж орлоо. Ч.Лхамсүрэн. Шүлэг., шургаж унах (юманд тээглэн харуулдаж унах) - Өндөр оросын хоёр хөл завсраар ухасхийн шургаж уначхаж байгаа юм. С.Удвал. Их хувь заяа;

---

2. Юман доогуур орж далд болох: хөнжилдөө шургах (хөнжил дотроо орох) - Таван ханат том гэрт, дулаан хөнжилдөө шургаж атиралдан хэвтэж буй арван хоёр хөвгүүн байв. С.Эрдэнэ. Өгүүллэгүүд., ус газар доогуур шургах (ус газар доогуур орон далд урсах);

---

3. Юмны дотор аргацаан орох, ажил төрөлд зальдан орох, шургалах: ажилд шургах (ажилд аргацаан орох), намд шургах (намын эгнээнд зүй бусаар орох) - Харин өнгө нүүрээ будаж сайн сайхан хүн болж намд шурган ороод, сэмхэн өнөөх гайхал хятад мангастай дайралдав. Д.Гонгор нар. Д.Сүхбаатарын тухай дурдатгалууд;

---

4. Ажил хөдөлмөрт ихэд туйлдах, унах шахан зүтгэх, шургачих: шургаж унатлаа хөдлөх (ажилдаа туйлдах шахан зүтгэх).