Үйл хэргийг гүйцэтгэх тухай нэгдсэн санал, тогтоол: шийдвэр биелүүлэх (албан байгууллага, хамт олны гаргасан саналыг биелүүлэх), шийдвэр гаргах (эцэслэн тогтоол гаргах) - Хаад ноёдын ямбыг халах шийдвэр гаргажээ. Д.Гонгор нар. Д.Сүхбаатарын тухай дурдатгалууд., шийдвэр өөрчлөгдөх (тогтоол өөрчлөгдөх), шийдвэр хүлээх (шийд хүлээх), олонхын шийдвэр (олонхын нэгдсэн санал), хатуу шийдвэр (үл хувирах санал, тогтоол), хурлын шийдвэр (хурлаас гарсан тогтоол) - Хурлын шийдвэрт зоригжсон өмнийн өргөн их говийн олон малчидтай нүүр учран явснаа би хэзээ ч мартахгүй. Б.Бааст. Алтайн хөх дөнөн., шүүхийн шийдвэр (шүүхээс гарсан тогтоол), эцсийн шийдвэр (эцсийн шийд, тогтоол) - Тэндээс эцсийн шийдвэр гарна. Ж.Дамдин. Монгол бөх., бодлого шийдвэр [хоршоо] (бодож боловсруулсан арга, шийдэл), тогтоол шийдвэр [хоршоо] (ямарваа нэгэн үйл хэргийг гүйцэтгэх тухай гарсан санал, захирамж), тушаал шийдвэр [хоршоо] (захирамж шийдэл, тушаал захирамж) - Атрыг эзэмших талаар нам засгаас гаргасан тогтоол шийдвэрийг хэрэгжүүлэх ажил хөдөө орон нутагт эрчтэй өрнөсөөр байсан билээ. Ч.Алагсай. Алтайн зам.