1. Шар болох: мод шарлах (мод шар өнгөтэй болох) - Мод шарлан, навчис унаж, намар болжээ. С.Эрдэнэ. Холбоо гурван тууж., ноос шарлах (хонины ноос шар өнгөтэй болох) - Үргэлж хашаатай байсан хонины ноос шарладаг ба хэвтэр давчдаж шахцалдаад байх гэм бий. Ж.Самбуу. Мал маллагааны арга туршлага., өвс ногоо шарлах (намар болж өвс ногоо шар өнгөтэй болох) - Намар орой болж, өвс шарлан нутгийн хүмүүсийн зарим нь өвөлжөө бууцны тухай ярилцан сууна. П.Хорлоо. Багш., үүр шарлах ~ гэгээ шарлах (үүр тэмдгэрч шар гэгээ гарах), утаанд шарлах (эд зүйл утаанд шар болох) - Хар тамхины утаанд шарласан сахлаа имэрч байна. Л.Содов. Хаврын нар.