Садар савсаг, самуун завхай: шалиг дуу (а. Шалиг завхай явдал, үзэл санааг сурталчилсан дуу; б. Завхай дуу - Богдын дэргэд дуулсан дууны үг нь ч, ая нь ч урьдынхаас өөр, бас дэндүү шалиг дуу байхад хэн ч хориглохгүй байгаа юм. С.Удвал. Их хувь заяа), шалиг зан гаргах (самуун зан, байдал гаргах), шалиг үг (завхай үг), шалиг хүүхэн (завхай хүүхэн), шалиг явдал (самуун явдал), шалиг завхай [хоршоо] (хөнгөмсөг завхай явдал) - Шалиг завхай явдал руу орсных ч юм уу, үгүй бол шинэ хөгжил дэвшил гээч нь энэ байжээ. С.Удвал. Их хувь заяа., шалиг савсаг [хоршоо] (хөнгөмсөг, завхай явдалтай), шалиг самуун [хоршоо] (завхай зайдан явдал) - Шалиг самуун яваагүй бол, сайнаас юу гэж салах вэ. Монгол ардын дуу., алиг шалиг [хоршоо] (гэдэн годон, хөнгөмсөг зантай), налиг шалиг [хоршоо] (а. Шунал тачаал; б. Наль шаль хийсэн зан).