Шалбаа; шавар шавхай: шалбааг ихтэй газар (шавар, шавхай ихтэй газар), шалбааг туулах (шавар шавхай гатлах), шалбааг ус (шавар, шавхайтай ус) - Үдэш эхэлсэн бороо үүрээр намдаж, өглөө болоход чийг үнэртэн, хонхор хотгорт шалбааг ус тогтжээ. С.Лочин. Сэтгэлийн өнгө., - Шалбааг усны захад бөөгнөрөн буй тагтаа шувуунууд эвийн үг хэлэлцэх мэт энхрий зөөлнөөр дуугарна. С.Эрдэнэ. Хонгор зул., намаг шалбааг [хоршоо] (зүлэг шавартай газрын усархаг шигдэмхий хөрс), шавар шалбааг [хоршоо] (хотгор газар тогтсон нойтон наанги шороо) - Шавар шалбааг үсчүүлэн дохиогоо хангинуулж нүүрс ачсан машинууд хажуугаар өнгөрнө. С.Лочин. Сэтгэлийн өнгө.