Юмны хугарах, няцрах, хөдлөх, эвдрэх зэрэгт шар шар хийх чимээ гарах: бургас шажигнах (бургас хугарч шар шар хийх чимээ гарах) - Морь тургин, бургас шажигнаж байв. Н.Банзрагч. Зам., ор шажигнах (ор хөдлөхөд шар шар хийх чимээ гарах) - Урьд өмнө тэсэлгээний үед сонсоогүй дуу гарч, бэхэлгээнүүд шажигнаад явчхав. С.Лочин. Сэтгэлийн өнгө., сандал шажигнах (эвдэрхий сандал хөдөлгөхөд, гарах дуу чимээ), цаас шажигнах (цаасыг базах, хөдөлгөхөд шар шар хийх чимээ гарах), чулуу шажигнах (чулуу хөдөлгөхөд шар шар хийх чимээ гарах) - Чулуу шажигнан хүн ч зугтаав бололтой. П.Хорлоо. Багш., элс шажигнах (элс хөдөлгөхөд шар шар хийх дуу чимээ гарах) - Чимэд аман дотор нь шажигнаж байгаа элс шороог нулимав. С.Эрдэнэ. Хонгор зул.