1. Хүний биеийн хүч чадал болоод оюун ухаан, мэдлэгийн цар хэмжээ: бяр чинээ [хоршоо] (хүн, амьтны чадал тэнхээ), чадал чинээ [хоршоо] (хэр чадал, хөрөнгө чадал), хэр чинээ [хоршоо] (хэр хэмжээ), хэр чинээгээрээ зүтгэх (ажил хөдөлмөрт өөрийн боломж, чадлаараа зүтгэх) - Чадах чинээгээрээ зүтгээд л тэр шүү дээ. Б.Бааст. Алтайн хөх дөнөн., чинээнд нь тултал (эцэст нь тултал), чинээнд нь хүртэл (аливаа юмыг эцэст нь хүртэл, мохоолд нь хүртэл);

---

2. Аливаа юмыг өөр юмтай харьцуулсан хэмжээ: алгын чинээ (маш бага), *алгын чинээ газар (өчүүхэн газар), алгын чинээ цаас (алгын төдий жижиг цаас), төдий чинээ (тийм хэмжээний), туулайн чинээ (туулай шиг), уулын чинээ (уул шиг том) - Уулын чинээ биетэй, туулайн чинээ зүрхтэй. ААЗ., шагайн чинээ (шагай шиг хэмжээтэй) - Шагайн чинээ шар тос олжээ. Монгол ардын үлгэр., хумсын чинээн (а. Хумсын төдий; б. [шилжсэн] Өчүүхэн), *хумсын чинээн ч аваагүй (юу ч аваагүй, өчүүхэн төдий ч аваагүй), хуруун чинээ (а. Хуруу шиг хэмжээтэй; б. [шилжсэн] Маш бага);

---

3. Хүний амьдрал, эд хөрөнгөний хэр хэмжээ: хөрөнгө чинээ [хоршоо] (хурааж хуримтлуулсан эд хөрөнгө, бэл бэнчин), хөрөнгө чинээ муутай (эд хөрөнгө муутай) - Ардууд хөрөнгө чинээгүй ядуурсан бөгөөд... Ардын заргын бичиг.