1. Эвдрэхгүй, бөх, хатуу, тогтвортой: бат итгэлтэй (итгэл алдахгүй сайн), бат суурьтай (бөх суурьтай, тогтвортой), бат орших (үүрд орших) - Тэр ерөөл бат орших болтугай. ААЗ;

---

2. Үнэнч гуйвшгүй: бат итгэл (үнэнч итгэл), бат бэх [хоршоо] (бэх бөх) - Өнгө үзэмж сайтай үнэхээр бат бэх өлгий болно. Монгол ардын домог үлгэр., бат бөх [хоршоо] (бэх бөх), бат нот [хоршоо] (эргэлзээгүй, хуудуугүй үнэн), сахилга бат [хоршоо] (дүрэм журмыг чанд дагаж мөрдөх хүмүүжил), бат од [одон орон] (Алтан гадас од), батын орд [одон орон] (анхан одны байх газар), бат охин [хуучирсан] (богтолсон хойно хүргэн үгүй болсны дараа ч бие эцэслэтлээ өөр хүнтэй ханилахгүй эмэгтэй), бат тэмдэг [хуучирсан] (лууг хавтсан модонд нааж, бат тэмдэг хэмээх манж, монгол, хятад бичиг сийлж, цагаан хэрмийн гадаад албан зарлагын зэрэг хэрэгт тэмдэг болгон улаа унах, шүүс идэхэд баталгаа болгох бичиг), бат илэрхийлэх [хуучирсан] (нам, эвлэлийн гишүүний батламж бичиг, үнэмлэх), бат эрхий (хүүхдийн эрхий хуруу), бат цагаан мод [ургамал] (наран ээвэр голын хөвөөний элсэрхэг газар, ой шугуйн хөвөөгөөр ургадаг тураг буюу бут мод, гурав ба таван хошуутай навчтай, арзгар саарал судалтай, үр үндэс артай, үрийг нь цайны оронд ууж болно), бат улаан мод [ургамал] (уулын ой шугуйд ургадаг тураг мод, навч нь сарьслаг хавтгай тэвнэрхүү хэлбэртэй, цувран ургана).