1. Эмх замбараа, дэглэм журам: эмх цэгц [хоршоо] (эд юмны эмх журам, замбараа), эмх цэгцтэй байх (эмх замбараатай байх), цэгц журам [хоршоо] (гуйвшгүй бат журамтай байдал) - Цэгц журамтай бай гэдэг юм. Д.Содномдорж. Түм буман хүүхэд;
2. Эгц шулуун, тэгш сайхан:
цэгц биетэй (тэгш сайхан биетэй) -
Цэгц сайхан биетэй л гэнэ. Халх ардын тууль., цэгц зогсох (цэх, шулуун зогсох),
цэгц нуруутай (цэх нуруутай),
цэгц уурга (шулуун уурга),
цэгц явах (шулуун явах);
3. [шилжсэн] Хүний зан төлөв шулуун шударга, оюун ухаан төв тодорхой байдал:
цэгц зантай (шулуун зантай),
цэгц хүн (төв зантай хүн),
цэгц шулуун [хоршоо] (шударга шулуун),
цэгц шударга [хоршоо] (чигч шударга, шулуун шударга),
эрс цэгц [хоршоо] (хүний зан төлөв шударга шулуун, үнэнч, тууштай байх нь) -
Тэр ааш зан эелдэг, аливаад нягт нямбай цэвэрч цэгц. Ц.Дамдинсүрэн. Мандах нартай үлгэрлэе.