1. Амсар нь хумигар, ёроол нь гүн бяцхан аяга - Зүүн талд нэг авдрын дээр аяга, цом, пял таваг зэрэг байна. Ц.Дамдинсүрэн. Гологдсон хүүхэн., цомд хийх (шингэн зүйлийг бяцхан аяганд хийх) - Өөрийн гараар нэгэн цом цай хийв. В.Инжаннаши. Нэгэн давхар асар;

---

2. Тэмцээн наадам, уралдаанд түрүүлсэн баг, тамирчин, байгууллагад олгодог шагнал дурсгалын сав: голдуу амсар дэрвэгэр, хүзүү нарийн, доогуураа цүлхэн, гоёмсог хээ хуартай: цом авах (тэмцээн уралдаанд түрүүлсэн учир цом гардан авах), цом гардуулах (цом гардуулж өгөх), аваргын цом (аварга болсон учир авах дурсгалын шагнал), болор цом (тэмцээн наадамд түрүүлсэн учир шагнуулсан дурсгалын болор эдлэл) - Болор цомын эзэн боллоо. “Ардын эрх” сонин., мөнгөн цом (мөнгөөр хийсэн цом).