1. Усны давлагаа эрэг хөвөөнөөс давах, хэтрэн долгилох: далайн ус цалгих (далайн ус эрэг хөвөөнөөсөө давах);

---

2. Саванд буй шингэн халин асгарах: тогоотой сүү цалгих (тогоотой сүүг ширүүн хөдөлгөснөөс халин асгарах), хувинтай ус цалгих (хувинтай ус давж асгарах), хултай айраг цалгих (хултай айраг халин асгарах), бялхах цалгих [хоршоо] (а. Саванд буй шингэн халин асгарах; б. [шилжсэн] Идээ ундаагаар элбэг дэлбэг байх), халгих цалгих [хоршоо] (а. Шингэн юмны савнаасаа давж асгарах; б. [шилжсэн] Элбэг хангалуун байх), *цагтаа цалгих (чинээ чадалтай, юм юмаар элбэг хангалуун байх) - Авгай нь гэвэл цагтаа цалгиж, алаг нүдэн Ханд нэртэй, айлын багачуул шуугиулж явсан ангирын дэгдээхий байсан юм гэнэ лээ. Д.Пүрэвдорж. Шарлингийн “хар” Хас.