1. Оноосон ял: цаазаар аваачих (хуулийн дагуу амь насыг нь хороох), цааз зарлах (цаазыг тунхаглан мэдүүлэх), цаазын индэр [хуучирсан] (хэрэгтэнг алах, хороох газар), цаазын тавцан (цаазын индэр), цааз жаяг [хоршоо] (хууль цааз, ёс дэглэм), цааз ёс [хоршоо] (заасан тогтоосон, хууль журам) - Өөрийн жаргалыг бодож, цааз ёсон үгүй бардан байсныг санав. А.Дашням. Хүрэн дэлтийн хүүхэн., цааз зарчим [хоршоо] (хууль, дэглэм журам), цааз магтлага [хоршоо] (хууль ёс, магтаал) - Ерийн шүтээн найман хөлт цагаан тугаа, цаглашгүй бэлтгэлийн дунд залаад, цааз магтлагыг уншиж мөргөв. Шүлэгч Лувсандондовын бүтээл., цааз тангараг [хоршоо] (ёс журам, тангараг) - Цааз тангаргийн рашаанаа хүртэж, ес ес мөргөж, ерийн хүслээ дуудуулъя. Шүлэгч Лувсандондовын бүтээл., цааз хууль ~ хууль цааз [хоршоо] (а. Тогтсон дүрэм журам; б. Оноосон ял) - Цааз хууль нь чангараад байвал чамтайгаа уулзахаа болих уу даа хө. Монгол ардын дуу;

---

2. Мөрдөн хэвшүүлэхээр зааж тогтоосон дүрэм журам, хууль: цаазад эрсдэх (хууль зөрчлөө хэмээн шийтгүүлэх), цаазын бичиг [хуучирсан] (хууль дүрмийн эмхэтгэл), цаазын засаг [хуучирсан](Үндсэн хуульт хаант засаг), төр цааз [хоршоо] (төр болон төрөөс тогтоосон хатуу хууль дүрэм);

---

3. Хэн ч зөрчиж үл болох, төрийн хорио: дархан цааз (төрийн зүгээс хуулиар дархлан хамгаалсан газар).