1. Аливаа зүйлийн зөв бурууг нягтлан үзэх, нягтлах, болгоомжлох, шинжлэн лавлах - Ер нь ингэж хил нэвтрэн гарах явдлыг сайн хянаж байгууштай. С.Дашдэндэв. Улаан наран., хянан бодох (лавшруулан бодож үзэх), хянан тогтоох (аливаа албан байгууллага, хувь хүний үйл ажиллагааг байцаан үнэлэлт өгөх), хянан харгалзах (ажиглан харгалзах), хянах байр (байлдааны үед дайсны хийгээд өөрийн цэргийн ажиллагаа, анги салбарыг удирдах зориулалттай байр) - Шовгор толгойн хянах байранд суусан хилчид, нүд салгалгүй дурандсаар байлаа. Дожоодорж. Зүүний сүвэгч., хянах магадлах [хоршоо] (юмны зөв бурууг нягтлан үзэх: нягтлан үзэж үнэн мөнийг тодорхой баримтаар нотлон тогтоох), хянах шалгах [хоршоо] (юмны зөв бурууг нягтлан үзэх, магадлах);

---

2. Бичиг зохиолын алдаа бурууг засан шүүх: хянан үзэх (зохиол бүтээл зэргийг нарийвчлан нягталж лавлах), үсэг хянах (сонин хэвлэлийн үсэг өрлөгийн алдаа мадгийг засан шүүх).