Хэтэрхий, дэндүү, давуу - Магсаржавыг Ховдоос буцаж ирснийг яамны ноёд сонсоод түргэн зантай, хатуу үгтэй хүн, ая олохгүй ширүүлж байж амбан сайдыг хэт доромжилсон байж болно. С.Удвал. Их хувь заяа., хэт завших (хэтэрхий мөлжих, тонох), хэт исэл (бодисын исэлдэх хамгийн дээд хэмжээ), устөрөгчийн хэт исэл (устөрөгчийн хамгийн их исэлдсэн хэмжээ), хэт том (дэндүү том) - Үүнээс олон бухлаар суурилж болох боловч хэт том нуруу нь хийхэд түвэгтэй байдаг билээ. Ж.Самбуу. Мал маллагааны арга туршлага., хэт муу (дэндүү муу) - Үнэхээр хүч тарга хэт муугийн улмаас үхсэн хорь гаруй үхрийг хариуцах эздээр нь төлүүлэх боллоо. П.Лувсанцэрэн. Хөдөөгийн дуун., хэт өндөр хүчдэл (хорин хоёр түмэн вольтоос дээших хүчдэл), хэт үнэлэх (сайн талыг нь хэтэрхий дөвийлгөх), хэт халуун (хүн, амьтан амьдрах зохистой дулаанаас хэтэрхий халуун), хэт шунахай (дэндүү шунахай), хэт яарах (дэндүү яарах, ихэд шуурхайлах) - Эсвэл би хэт их яараад байна уу? тиймээс зайлахгүй гэж бодов. С.Лочин. Сэтгэлийн өнгө.