1. Холбоо, хэлхээ: ах дүүгийн барилдлага (ах дүүгийн холбоо), ураг төрлийн барилдлага (ураг төрлийн хэлхээ холбоо), багш шавийн барилдлага (багш шавийн учрал) - Багш шавийн барилдлага гэгч эх үрсийн барилдлагатай адил хүндтэй ариун зүйл билээ. С.Удвал. Их хувь заяа., цусан барилдлага (цусан төрлийн холбоо; эхийн талын хамаатан) - Нарт ертөнцөд нэг өдөр нэг эхийн хэвлийгээс төрсөн мах цусны барилдлагатайгаа санах боловч, атаархал гомдлоо зайлуулж үл чадна. С.Эрдэнэ. Ихрийн өрөөсөн., тохиол барилдлага [хуучирсан] (хувь зохиол, ерөөл тавилан);

---

2. Зурхайн ёсонд од гаргийн тохиол: шүтэн барилдлага (шалтгаан, шалтгаант үр дагавар, шалтгаант холбоо), арван барилдлага (шид, рашаан, идэр, арвидах, хотол чуулган, хүчин төгсөх, түлэх, үл тохирох, үхэх, үл зохилдох нийлээд арван барилдлага болно), арван хоёр шүтэн барилдлага (нэр-өнгө, төрөн-түгэх, хүрэлцэх, сэрэх, хурьцах, авах, сансар, төрөх, өтлөх үхэх, мунхаг, хуран үйлдэх, тийн мэдэх нь арван хоёр шүтэн барилдлага болно).