1. Үйл явдалд хашир хянамгай, болгоомж сэрэмж сайтай - Тэд тун хэрсүү, ажилтай, ухаантай байгааг хараа биз. С.Лочин нар. Галтай залуу нас., хэрсүү хүн (юманд сэрэмж болгоомжтой хүн), хашир хэрсүү [хоршоо] (хянамж болгоомж) - Гэвч хашир хэрсүү ухаанд нь нэвт шингэсэн түгшүүр, шинэ соргог бодолтой нь харшилдан, санаа сэтгэлийг нь үймүүлэв. Б.Нямаа. Арандалынхан;

---

2. Аливаа ажил үйлсэд хашир, туршлагатай: хэрсүү болох (ажилд дадамгай, хашир хянамгай, болгоомжтой болох), хэрсүү өвгөн (хашир, туршлагатай өвгөн), хэрсүү орох (хашир болох, хянамгай лавдуун зантай болох), хэрсүү суух (хэрсүү болох), хэрсүүгээ барах (хэдий хаширласан боловч тэсгэлгүй нэг алдаж эндэх), хэрсүү юунаас гэвэл хаширснаас, хэрсэн юунаас гэвэл таргалснаас [зүйр цэцэн үг] (хашир хүн гэж хаширсан хүнийг хэлдэг гэсэн санаа), хэрсүүгийн үгэнд орвол хээр хонохгүй [зүйр цэцэн үг] (хашир хүний үгийг авбал алдаж осолдохгүй гэсэн санаа), хэрсүү туулай замын захад, хэрсүү хүүхэд өвгөний дэргэд [зүйр цэцэн үг] (хашир хүн осолдох нь бага гэсэн санаа).