1. [хуучирсан] Хуучин нийгмийн үед хар шар феодал, бэйл, бэйс, лам мэтийн хүмүүст олгодог байсан цол, зэрэг: хэргэм залгамжлах (ван, гүн, бэйл, бэйс, хутагт хувилгаадын цол хэргэмийг үр хүүхэд нь үе залгамжлах, улиран суух), хэргэм өргөмжлөх (эзэн хаан ба вангаас феодал ноёдод хэргэм цол олгох), хэргэм хүртэх (цол зэрэг нэмэх) - Дараахнаар нь угсаа залгаагүй байж манжаас хэргэм хүртсэнийг тооцохгүй гэж бичиг ирэхээр нь бүр дургүй хүрч нь хүрчээ. С.Удвал. Их хувь заяа., хэргэм тушаалтан (цол зэрэгтэй хүмүүс) - Бүх хэргэм тушаалтан давхийн цочих мэт бие биеэ түших нь холгүй гайхан гөлөлзөв. Т.Дэчингунгаа. Өөдрөг зам., вангийн хэргэм (вангийн зэрэг, ван хүний цол) - Хатанбаатарт дархан вангийн хэргэм хүртээснийг мэдэгджээ. С.Удвал. Их хувь заяа., түшмэлийн хэргэм (түшмэл хүний цол), хэргэм зэрэг [хоршоо] (а. [хуучирсан] Ноёд түшмэдэд олгодог байсан цол; б. Зэрэг тушаал) - Богд гэгээн манай жанжныг таалж өндөр хэргэм зэрэг шагнасныг та дуулаа биз дээ. С.Удвал. Их хувь заяа., үе хэргэм [хоршоо] (цол зэрэг, угсаа залгамж), цол хэргэм [хоршоо] (хэргэм зэрэг) - Богд гэгээнээс цол хэргэм нэмэн шагнуулж найр хийж наргих шалтаг нэмэгдсээр л байлаа. С.Удвал. Их хувь заяа.