1. Хэмжээ, чадал чинээ: бэлтгэлийн хэр (бэлтгэлийн төвшин, хэмжээ), хөрөнгө мөнгөний хэр (хөрөнгө мөнгөний хэмжээ), чадахын хэрээр (чадах чинээгээр, чадах хэмжээгээрээ), хэрээ мэдэх (чадлаа мэдэх), хэрээ мэдэхгүй (чадал чинээгээ мэдэхгүй), хэрээс хэтрэх (чадлаас хэтрэх), хэрээр (чадах чинээгээр), хэрээрээ ажиллах (чадах чинээгээрээ ажиллах), чадлын хэрээр хийж, хэрэглэхийн хэрээр авах (чадлаараа ажиллаж, хэрэгцээнийхээ хэмжээгээр авах), хэр хэмжээ [хоршоо] (чадал чинээ) - Бичиг уншсаны хэр хэмжээ их багын улмаас …; Б.Ринчен. Марк Твений минь махыг идэж дээ., хэрээ мэдэж, бяраа тань [зүйр цэцэн үг] (өөрийнхөө чинээгээр бай), хүн хэрээрээ, тэмээ тэнгээрээ [зүйр цэцэн үг] (өөрийнхөө мэдлэг чадварыг мэдэж байх гэсэн санаа) - хөнжлийн хэрээр хөлөө жийх, адууны хэрээр исгэрэх [зүйр цэцэн үг] (хэр чинээгээрээ байх);

---

2. Аль, ямар, зэрэг: аль хэр (аль зэрэг), хэр зэрэг (аль зэрэг) - Танай энд хүмүүс нэгдлийн мал хөрөнгөнд хэр зэрэг хандлагатай вэ дээ. Ц.Ням-Осор. Юу гэнээ хөө?., хэр олон (ямар зэрэг, аль зэрэг олон);

---

3. Үе, үес, орчим: үдийн хэрд (үдийн орчим) - Тэгэвч бага үдийн хэрд нэлээд олон хүн цугларсан байв. Ц.Уламбаяр. Зовлон жаргал., шөнө дундын хэрд (шөнө дундын орчим), одоо хэр (одоохондоо, одоо болтол), энэ хэр (энэ үед, одоо болтол) - Энэ хэр аав нь эзгүй байв. Н.Банзрагч. Зам;

---

4. Энгийн, ерийн, бараг: хэрийн юм (ерийн юм, бага сага юм), хэр баргийн юм (барагтай юм) - Ер нь тэгээд алс хязгаар нутагт чинь хэр баргийн юм амар нэвтрэх биш дээ. Д.Гарамжав. Нэгэн өглөө., хэртэй бол чингэхгүй (барагтай бол чингэхгүй, ер нь л бол тийм юм хийхгүй);

---

5. Хөрөнгө чинээ, өв хөрөнгө: хэрийг дагах (өвөө сахиж ангижрахгүй), хэр олохгүй (хэргүй), хэргүй (хөрөнгөө эзэмшиж чадахгүй).