1. Бүсгүй хүн: өөрийн төрсөн охин: хүүхэн хүн (бүсгүй хүн), авгай хүүхэн [хоршоо] (бүсгүйчүүд: ахимаг насны эмэгтэйчүүд);

---

2. Бие гүйцсэн боловч эрд гараагүй эмэгтэй - Тэрхийн голоор морилж явахад муу гэрийнхээ гадаа зогсож байсан цагаан охин одоо бүр ямар ч эрийн нүдэнд өртөх сайхан хүүхэн болжээ. С.Удвал. Их хувь заяа., хүүхэн дурдах (нярайлахыг завдаж өвдөх), хүүхэн нуруу (байшин асрын хос нурууны доод нарийн нуруу), хүүхэн мордуулах [яриа] (хүүхэн хүнийг хуримлуулах), хүүхэн сарьс (гутлын ул, зулаг хоёрын завсар хавчуулан оёсон илэг сарьс), хүүхэн тайлах [хуучирсан] (дутуу төрөх), хүүхэн ул (монгол гутлын улны дээр давхацсан нимгэн ул), хүүхэн хараа (нүдний солонголог бүрхүүлийн голд байх цонх), хүүхэн хэл (хүн, амьтны ам хамрын сүвний уулзар дээрх бяцхан унжлага мах), хүүхэн шуухан [хоршоо] (охид, бүсгүйчүүл) - Ээжид нь аашлуулан тамхи татаж, хүүхэн шуухан ярьдаг байсан юм. П.Лувсанцэрэн. Хөдөөгийн дуун., хүүхэн байвал хүргэн хаа мундах вэ, хүрээ байвал наймаа хаа мундах вэ [зүйр цэцэн үг] (эмэгтэй хүн болгон нөхөрт гардаг гэсэн санаа), хүүхэн хүрсэн газартаа, чулуу унасан газартаа [зүйр цэцэн үг] (эмэгтэй хүний заяа айлд гэсэн санаа), хүүхнээ гэвэл хүргэнээ, хүзүүгээ гэвэл захаа [зүйр цэцэн үг] (хүргэнээ охин шигээ хайрлах хэрэгтэй гэсэн санаа).