1. Юманд хүрээ, бүслүүр гаргуулах: тойруулах - Тийм үлгэрт өгүүллийг бичихдээ бас ч сонирхолтой явдлуудаар хүрээлүүлэн бичих ёстой болой. С.Буяннэмэх. Түүвэр зохиол., данс хүрээлүүлэх (данс дугуйлах, хаалгах) - Иргэнд өгч дансыг хүрээлүүлээд, манай газраа данс хаалгая. Ц.Насанбалжир. Ардын заргын бичиг., зураг хүрээлүүлэх (зурагт хүрээ гаргуулах, хийлгэх);

---

2. Хүрээлэгдэх - Дөрвөн баатраар угтуулаад, дөрвөн буман цэргээр хүрээлүүлээд мордож гэнэ. Халх ардын тууль;

---

3. [шилжсэн] Олны дунд нэр хүнд олох, нэр хүнд нь өсөн нэмэгдэх: олон түмнээр хүрээлүүлэх (олны дунд нэр хүнд олох), хашаагаар хүрээлүүлэхээр нөхдөөр хүрээлүүл [зүйр цэцэн үг] (хүнд найз нөхөд чухал гэсэн санаа).